السكوت اللي مطوّل

بسم الرحمن الرحيم




السكوت اللي مطوّل


عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

السكوت اللي مطّول ولا أدري وش وراه
والله إني غصب أعيشه وغصب أصبر عليه

والعذاب اللي ولا شخص قدامي لقـــــــاه
لي سنينٍ عايشٍ به وأظن أموت فيـــــــــه

غربتي طالت ومليت اردد آه ........... آه
عقب ما قصرت يديني تطول اللي أبيـــــــه

الحبيب اللي خذا الوصل وأتعبني معـــاه
أشهد إنه في عطا الحق ما طالــــــــت يديه

يوم نال الحسن من غرته لي منتهـــــاه
ساقني يم العطش يوم حاولـــــــت أرتويه

ما قوى ينساه قلبي ولا يقبل ســــــواه
ما قويت أردني عنه ولا ما أجيــــــــــــــه

أذكر إني كنت له كل شيٍ في الحيــاة
قال حتى إني في الحب بعد أمة وأبيـــــــــــه

كنت لو نادى علي قلت لبيه لنـــــداه
كنت أبيع أسعد ليالي حياتي وأشتــــــــريه

إن جرحني قلت في خاطري كلي فداه
وإن هجرني قلت خلي ولا بد أحتــــــــريه

بس صمته ما فهمته ولا أدري وش وراه
خوفي إنه منهي الحب وأنا مبتــــــــديه



عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]
__________________
(...سبحـــــان الله وبحمــــــــده....سبحــــــ ان الله العظيــــــم..